Mission: Cross (2024) සිංහල උපසිරැසි
පාර්ක් කන්ග්-මූ කියන්නේ හිටපු ආරක්ෂක බුද්ධි අංශ නිළධාරියෙක්. හැබැයි, හමුදාවේ සිදුවුණු සිද්ධියක් හේතුකොට ගෙන, කන්ග්-මූ ආරක්ෂක අංශයෙන් ඉවත්වෙනවා. ඊටපස්සේ, එයා මී-සියෝන් කියන අති දක්ෂ අපරාධ විමර්ෂණ නිළධාරියෙක් හා විවාහ වෙන්නේ තමන්ගේ අනන්‍යතාවය සඟවාගෙන. හදිස්සියේම ඔහුට හමුවෙනවා හී-ජූ නම් කාන්තාවක්. ඇයව කලින් ඉඳලාම අපේ කතා නායකයාව දන්නවා. හැබැයි මේ හමුවීම මී-සියෝන් දකින්නේ කොහොමද? අනික, මේ හමුවීමෙන් ඇතිවෙන අනෙක් දේවල් වලට මොකද වෙන්නේ? ප්‍රහසන සහ ක්‍රියාදාම සියල්ල කැටිකරගත්ත වෙනස්විදියේ කතාවක් ගැන තමයි මේ කියන්නේ.
Lee Myeong-hun විසින් රචනා කරලා අධ්‍යක්ෂණය කරපු චිත්‍රපටියක් තමයි මේ. රඟපෑමෙන් දායක වෙනවා Hwang Jung-min (පාර්ක් කන්ග්-මූ), Yum Jung-ah (කන්ග් මී-සියෝන්), Jeon Hye-jin (ජන්ග් හී-ජූ), Jung Man-sik (ලී සන්ග්-උන්ග්) ඇතුළු පිරිසක්. මේ හැමෝම එක හා සමානව මේ චිත්‍රපටියට තමන්ගේ දායකත්වය ලබා දීලා තියෙනවා. ඒ නිසා තමයි, මේක මෙච්චර ලස්සන කතාවක් වුනේ. Netflix ආයතනය තමයි මේ චිත්‍රපටිය ලොව පුරා බෙදාහැරීමේ කටයුතු කරන්නේ.
මේ චිත්‍රපටියේ වෙබ් රේටිං ගැනත් ටිකක් කතා කරමු. මේ ලිපිය ලියන වෙලාවේදී IMDb 6.1, MyDramaList 7.7, Rotten Tomatoes 88%, Google Users 62% තම කැමැත්ත ප්‍රකාශ කරලා තියෙනවා. කොරියානු චිත්‍රපටි වල සාමාන්‍යයෙන් ගන්නා අගයන් වලට වඩා වැඩි අගයක් අරගෙන තියෙනවා.
එහෙනම් සුපුරුදු විදියටම, මේ සිංහල උපසිරැසියත් එක්ක, මේ ලස්සන කොරියානු චිත්‍රපටිය රසවිඳින්න.
චිත්‍රපටිය ගැන කියවන්න ආස අයට මෙන්න තැන්.
Trailer එක බලන්න කැමති අයට මෙන්න ඒකත්.
උපසිරැසි බාගන්න පුළුවන් මෙතනින්. සුපුරුදු විදියටම zoom.lk එකෙත් මේක පලවෙනවා. වෙන කොහේවත් නෑ.
මේ තියෙන්නේ මම මේ චිත්‍රපටිය බාගත්ත තැන.
සිංහල උපසිරැසි සමඟ චිත්‍රපටිය රසවිඳින්න... ජයවේවා!!!
Comments