A Place Called Silence (2024) සිංහල උපසිරැසි
චෙන් යූටොන්ග් කියන්නේ උපතින්ම කතා කරන්න බැරි ගැහැණු ළමයෙක්. එයා ජිංහ්වා උසස් බාලිකා පාසලේ ඉගැනුම ලබන්නේ. මුලින් විශේෂ අවශ්‍යතා ඇති අයගේ පන්තියේ හිටියත්, පස්සේ එයා සාමාන්‍ය ළමයි අතරට එවන්නේ, ඇයගේ ඉගැනීමේ දක්ෂතා නිසා. හැබැයි, මේ පන්ති මාරු කිරීම, ලොකු කරදර ගොඩකට ආරම්භය කියලා කිසිම කෙනෙක් විශ්වාස නොකරන්න ඇති.
විදුහල්පතිතුමාගේ දියණියත් ඉගැනුම ලබන්නේ මේ පාසලේමයි. හැබැයි, එයා එක විදියක චණ්ඩියෙක්. අසරණ දුබල ගැහැණු ළමයි තෝරගෙන, එයාලාට හිරිහැර කරන එක මෙයා ඇතුළු කණ්ඩායමේ විනෝදාංශයක්. මේ හිරිහැර වලට නිතර අහුවෙන කෙනෙක් තමයි ටොන්ග්. ඒත් එක දවසක්, මේ හැමදේම ඉවසාගෙන දරාගෙන ඉන්න පුළුවන් සීමාව පනිනවා. නතර වෙන්නේ මිනිමැරුම් ගණනාවකින්. මේ ගැන දැනගන්න නම්, මේ චිත්‍රපටිය දිගටම බලන්නම වෙනවා.
Sam Quah විසින් අධ්‍යක්ෂණය කරපු චිත්‍රපටියක් තමයි මේ. රඟපෑමෙන් දායක වෙනවා, Eric Wang
(ලින් සයිෆු), Ning Chang (ලී හන්), Francis Ng (ඩායි සහෝදරයා), Wang Sheng Di (චෙන් යූටොන්ග්) ඇතුළු පිරිසක්. චීන භාෂාවෙන් නිර්මාණය වුණු මේ චිත්‍රපටිය ඩොලර් මිලියන 193ක් පමණ මේ වෙනකොටත් උපයගෙන තියෙනවාලු.
මට හිතාගන්න බැරි එක කාරණයක් තියෙනවා. මේ චිත්‍රපටිය A Place Called Silence (2022) චිත්‍රපටියේ රීමේක් එකක්. ඒ කතාවම වෙන නළු නිළියන් යොදාගෙන කරපු එකක්. චිත්‍රපටියක් නිකුත් වෙලා අවුරුදු දෙකකට පස්සේ, ඒ චිත්‍රපටියේ රීමේක් එකක් කරන එක ටිකක් අසාමාන්‍යයි නේද? අනික, මේ චිත්‍රපටි දෙකම අධ්‍යක්ෂණය කරන්නේ එකම අධ්‍යක්ෂකවරයා. ඇයි මෙහෙම කලේ කියන එක තේරුම්ගන්න බැරි කාරණයක්.
වැඩි කතාවක් නැතුව අපි චිත්‍රපටිය රස විඳිමු. අපි හිතනවා මේ සිංහල උපසිරැසිය ඔයාලාගේ රස වින්ඳනයට රුකුලක් වේවි කියලා.
චිත්‍රපටිය ගැන කියවන්න ආස අයට මෙන්න තැන්.
Trailer එක බලන්න කැමති අයට මෙන්න ඒකත්.
උපසිරැසි බාගන්න පුළුවන් මෙතනින්. සුපුරුදු විදියටම zoom.lk එකෙත් මේක පලවෙනවා. වෙන කොහේවත් නෑ.
මේ තියෙන්නේ චිත්‍රපටිය බාගන්න පුළුවන් quality, direct link තියෙන තැනක්.
සිංහල උපසිරැසි සමඟ චිත්‍රපටිය රසවිඳින්න... ජයවේවා!!!
コメント