top of page
  • Facebook
  • 766px-WhatsApp.svg
  • Twitter
  • 8fc37b74b608a622588fbaa361485f32
  • YouTube

Arthur the King (2024) සිංහල උපසිරැසි

Nilusha Hemal Alahakoon

මම ගොඩාක් කැමතියි සත්‍ය කතා ඇසුරෙන් නිර්මාණය වෙන චිත්‍රපටි වලට. මොකද, එක පැත්තකින් කිසිම මනඃකල්පිත ලෝක හරි සුපිරි වීරයෝ හරි නැති නිසා. මේ කියන්නේ මම ෆැන්ටසි ඒවාට කැමති නෑ කියන එක නෙමෙයි. ඊට වඩා සත්‍ය කතා චිත්‍රපටි හිතට දැනෙන නිසා. මේ පාර මම අරගෙන ආවේ, ඒ වගේම සත්‍ය කතාවක් ඇසුරෙන් නිර්මාණය වුණු Arthur the King (2024) චිත්‍රපටියේ සිංහල උපසිරැසි.


බහු ප්‍රයාම තරඟාවලි ගොඩාක් රටවල් වල ජනප්‍රිය වික්‍රමාන්විත ක්‍රීඩාවක්. අපේ රටේ තුන් ප්‍රයාම තරඟ තියෙනවානේ. දිවීම, බයිසිකල් පැදීම සහ පිහිනීම තමයි ඒවායේ තියෙන්නේ. හැබැයි, මේ බහු ප්‍රයාම තරඟ වල ඊට අමතරව කඳු නැගීම, කැළෑවල් වල ඇවිදීම, කඳු හරහා ඇවිදීම, බෝට්ටු පැදීම ඇතුලත් වෙලා තියෙනවා. ඒ් වගේම ගොඩාක් දුරක් එයාලා තරඟ කරන්නත් තියෙනවා. මේ චිත්‍රපටිය නිර්මාණය වෙන්නේ, 2018 දී ඩොමිනිකන් රාජ්‍යයේ පැවැත්වුණු බහු ප්‍රයාම තරඟාවලියේ සිදුවුණු සිදුවීම් පාදක කරගෙන.


2015 දී කොස්ටා රීකා හිදී පැවැත්වුණු බහු ප්‍රයාම තරඟාවලියේදී, මයිකල් ලයිට්, ඇමරිකානු තරඟකරුවා, අරගත්ත වැරදි තීරණ කීපයක් නිසා තරඟය අවසන් කරගන්න බැරි වෙනවා. ඒ අවස්ථාවේ අරගත්ත පින්තූරයක් සමාජ මාධ්‍ය වල පැතීරීම නිසා, මයිකල් තරඟ බිමෙන් ඈත්වෙනවා. ඒත්, 2018 දී නැවත මයිකල් තරඟ බිම පිවිසෙන්නේ, අවසන් වතාවට කුසලානය දිනාගන්න ඒකායන අරමුණකින්. එහිදී සිදුවෙන දේවල් තමයි මේ චිත්‍රපටියේ අන්තර්ගත වෙන්නේ.


Mikael Lindnord විසින් ඒ සත්‍ය සිදුවීම අලලා ලියපු Arthur - The Dog Who Crossed the Jungle to Find a Home කියන නවකතාව පදනම් කරගෙන තමයි මේ චිත්‍රපටිය නිර්මාණය වුනේ. මෙහිදී සත්‍ය සිදුවීමට හානියක් නොවෙන්න කතාව ගෙතුවා කියලා තමයි නිර්මාණකරුවන් කියන්නේ. රඟපෑමෙන් දායක වෙනවා Mark Wahlberg (මයිකල් ලයිට්), Simu Liu (ලියෝ), Nathalie Emmanuel (ඔලිවියා), Ukai (ආතර්) ඇතුළු පිරිසක්.


මේ චිත්‍රපටිය මේ ලිපිය ලියනකොට අරගෙන තිබ්බ වෙබ් රේටිං ගැනත් සඳහනක් කරන්න කැමතියි. IMDb 7.0, Rotten Tomatoes 69%, Facebook 4.9, Google Users 91% මේ චිත්‍රපටියට තම කැමැත්ත ප්‍රකාශ කරලා තියෙනවා. මේකම මේ චිත්‍රපටියේ සාර්ථකත්වය පෙන්වනවා.


ආදායම් වාර්ථා අතිනුත් ඉහල මට්ටමක ඉන්න මේ චිත්‍රපටිය සමත් වුනා. ඩොලර් මිලියන 19ක අය වැයක් ඇතුව කරපු චිත්‍රපටිය, මේ වෙනකොට ඩොලර් මිලියන 34.1කට වඩා ආදායමක් ලබාගෙන තියෙන බව තමයි කියවෙන්නේ. තවමත් තිරගත වෙලා වැඩි කාලයක් ගත වෙලා නැති වුනත්, හොඳ ආදායමක් නම් ලබන බව සිකුරුයි.


එහෙනම්, හැමෝම මේ සිංහල උපසිරැසිය එක්ක චිත්‍රපටිය රස විඳින්න. හැමදාම කියනවා වගේ, මේ උපසිරැසි වල අඩුපාඩු, හොඳ නරක, වැරදි, ගල් මල්, අපිට කියන්න.


චිත්‍රපටිය ගැන කියවන්න ආස අයට මෙන්න තැන්.




Trailer එක බලන්න කැමති අයට මෙන්න ඒකත්.


උපසිරැසි බාගන්න පුළුවන් මෙතනින්. සුපුරුදු විදියටම zoom.lk එකෙත් මේක පලවෙනවා. වෙන කොහේවත් නෑ.


මේ තියෙන්නේ චිත්‍රපටිය බාගන්න පුළුවන් quality, direct link තියෙන තැනක්.




සිංහල උපසිරැසි සමඟ චිත්‍රපටිය රසවිඳින්න... ජයවේවා!!!

Comments


Logo.png

Sinhala Subtitles

මගේ අළුත්ම උපසිරැසි ගැන දැනගන්න, මෙතනින් ඔයාලගේ ඊමෙල් ලිපිනය ලියලා යන්න.

ලාංකීය චිත්‍රපටි රසිකයන් උදෙසා

Thanks for submitting!

All subtitles here are owned by Nilusha Hemal Alahakoon.

Copying or publishing on other websites without consent of owner, is prohibited.

My site does not host any files on it’s servers. All files or contents hosted on third party websites. My site does not accept responsibility for contents hosted on third party websites. I just index those links which are already available in internet

© 2023 by On the Trail. Proudly created with Wix.com

bottom of page