Honor Society (2022) සිංහල උපසිරැසි
හෝනර් කියන්නේ, බලාපොරොත්තු පොදි බැඳගත්ත උසස් පාසලේ අවසන් ව‍සරේ ශිෂ්‍යාවක්. ඇයගේ එකම අරමුණ, වැඩියෙන්ම වැදගත් අරමුණ තමයි, හාවඩ් විශ්ව විද්‍යාලයට යන එක. ඒ සඳහා අවශ්‍ය කරන නිර්දේශය දෙන්න, මේ උසස් පාසලේ ඉන්නේ, කැල්වින් මහතා විතරයි. හෝනර් හිතාගෙන ඉන්නවා, ඇය තමයි කැල්වින් මහතාගේ ඒ නිර්දේශය ලබා ගන්න ඉන්න එකම කෙනා කියලා. නමුත්, හදිස්සියේ ඇය දැනගන්නවා, ඇය ඉන්නේ, නිර්දේශ ලබාගන්න සුදුසු හතර දෙනා අතර කියලා. මේ අනිත් තුන්දෙනාව තරඟයෙන් අයින් කලේ නැත්නම් හරි එයාලාව පැරැද්දුවේ නැත්නම්, හෝනර්ට නිර්දේශය ලබාගන්න තියෙන්නේ පොඩි හැකියාවක්. දැන් හෝනර් මොකද කරන්නේ?
මේ කතාව තියෙන්නේ Honor Society (2022) චිත්‍රපටියේ. බැලූ බැල්මට පරණ සාම්ප්‍රදායික කතාවක් වගේ පෙනුනත්, ඇත්තටම මේ කතාව වෙනස් විදියකට නිර්මාණය කරලා තියෙනවා. කුතුහලය පිරුණු සිදුවීම් බහුල කතාවක් විදියටයි මේක නිර්මාණය වෙලා තියෙන්නේ.
ඇමරිකාවේ උසස් පාසලක, තරුණ අවධියේ චරිත එක්ක දිවෙන චිත්‍රපටියක් නිසා, මේක අපේ සංස්කෘතියේ අපේ තරුණ වයසේ අයට බලන්න සුදුසුද කියලා, වැඩිහිටියන් තීරණය කරන්න. ඉතා සුලු සිප ගැනීම්, සරල සහ මෘදු දෙපැත්ත කැපෙන කතා, සමලිංගිකත්වය උලුප්පන දේවල් මේකේ තියෙනවා. ඔන්න දැනුවත් කලා.
මේක ඇත්තටම නිකුත් කෙරුනේ 2022 ජූලි 29 වෙනිදා. මාස තුනක් වගේ කාලයක් ඇතුලත අරගත්ත web ratings මේ වගේ. IMDB 6.5, Rotten Tomatoes 85%, Metacritic 66%, Google Users 93% ලබාගෙන තිබ්බා. ඒ මේ ලිපිය ලියන මොහොතේ.
Oran Zegman විසින් තමයි මේක අධ්‍යක්‍ෂණය කලේ. හොලිවුඩයේ ජනප්‍රිය තිර රචකයෙක් වුනු David A. Goodman තමයි මේක රචනා කරලා තියෙන්නේ. Awesomeness Films සහ Guardian Pictures එකතුවෙන් නිෂ්පාදනය කෙරුණු මේ චිත්‍රපටිය, ලොව පුරා බෙදාහැරුනේ Paramount+ ආයතනයෙන්. රඟපෑමෙන් දායක වෙනවා, Angourie Rice (හෝනර්), Gaten Matarazzo (මයිකල්), Christopher Mintz-Plasse (කැල්වින් මහතා), Armani Jackson (ට්‍රැවිස් බිගින්ස්), Amy Keum (කෙනඩි) ඇතුළු බොහෝ පිරිසක්.
චිත්‍රපටිය දිගටම දිවෙන්නේ narrator based (තමන් කතාවක් කියන විදියට). ඒ කතාව කියන්නේ, හෝනර්. ඒ නිසා මම මේ උපසිරැසිය වර්ණ කීපයකින් දැම්මා. හෝනර් අපිට කතා කරනකොට එක පාටකුත්, එයා චිත්‍රපටියේ දෙබස් කියනකොට වෙනත් පාටකුත් දැම්මේ, බලන ඔයාලාගේ පහසු රස වින්ඳනයට. ඉතිං, මේ සිංහල උපසිරැසියත් එක්ක චිත්‍රපටිය රස විඳලා විස්තර කියන්න.
චිත්‍රපටිය ගැන කියවන්න ආස අයට මෙන්න තැන්.
Trailer එක බලන්න කැමති අයට මෙන්න ඒකත්.
උපසිරැසි බාගන්න පුළුවන් මෙතනින්. සුපුරුදු විදියටම zoom.lk එකෙත් මේක පලවෙනවා. වෙන කොහේවත් නෑ.
මේ තියෙන්නේ චිත්‍රපටිය බාගන්න පුළුවන් quality, direct link තියෙන තැනක්.
සිංහල උපසිරැසි සමඟ චිත්‍රපටිය රසවිඳින්න... ජයවේවා!!!
