Memory (2022) සිංහල උපසිරැසි
Liam Neeson ගේ චිත්‍රපටියක් අතහරින්නම බෑනේ. Memory (2022) එයාගේ අලුතෙන්ම ආපු චිත්‍රපටිය. වයස වුනත් රඟපෑම දක්ෂ විදියට කරන්න පුළුවන් නලුවෙක් නිසා, චිත්‍රපටිය සාර්ථක වුනා කියන්න පුළුවන්. Jef Geeraerts විසින් රචනා කරන ලද නවකතාවක් වන De Zaak Alzheimer පොත පාදක කරගෙන තමයි මේ චිත්‍රපටි කතාව නිර්මාණය වුනේ. 2003 වර්ෂයේ මේ නවකතාව පදනම් කරගෙන බල්ගේරියාවෙත් චිත්‍රපටියක් නිර්මාණය වෙලා තියෙනවා The Memory of a Killer නමින්. ඩොලර් මිලියන 7කින් පමණ නිෂ්පාදනය වුනු චිත්‍රපටිය, මේ වෙනකොට ලබා ති‍බෙන ආදායම ඩොලර් මිලියන 11කට වැඩියි.
Martin Campbell විසින් අධ්‍යක්ෂණය කරපු මේ චිත්‍රපටිය Briarcliff Entertainment විසින් ලොව පුරා බෙදා හැරුණා. රඟපෑම සඳහා තෝරාගත්තේ වෙනස් විදියේ නළු නිලියන් පිරිසක්. ප්‍රධාන චරිතය Liam Neeson (ඇලෙක්ස්) ට භාර වුනු අතරම සෙසු චරිත සඳහා Guy Pearce (වින්සන්ට් සේරා), Harold Torres (හියුගෝ), Taj Atwal (ලින්ඩා ඇමිස්ටෙඩ්), Monica Bellucci (ඩවානා සීල්මන්) ඇතුළු පිරිසක් යොදාගෙන තියෙනවා.
කතාව කෙටියෙන් කියන්නම්. ඇලෙක්ස් ලුවිස් කියන්නේ කුලියට මිනිමරන කුලී ඝාතකයෙක්. ඔහුට කොන්ත්‍රාත්තුවක් ලැබෙනවා දෙදෙනෙක් මරන්න. ඒ අතරම, වින්සන්ට් සේරා දක්ෂ FBI නියෝජිතයෙක්. ඔහු ළමා අපරාධ හා සම්බන්ධ ජාවාරම්කාරයෙක් පසුපස හඹා යනවා. මේ දෙදෙනා, එක තැනකදී එකම මාර්ගයට එළඹෙන්නේ අහම්බෙන්. මේ දෙදෙනා‍ගේ කතාව තමයි මේ චිත්‍රපටියේ තියෙන්නේ. මේ සිංහල උපසිරැසි සමඟින් චිත්‍රපටිය රසවිඳින්න!
චිත්‍රපටිය ගැන කියවන්න ආස අයට මෙන්න තැන්.
Trailer එක බලන්න කැමති අයට මෙන්න ඒකත්.
උපසිරැසි බාගන්න පුළුවන් මෙතනින්. සුපුරුදු විදියටම zoom.lk එකෙත් මේක පලවෙනවා. වෙන කොහේවත් නෑ.
මේ තියෙන්නේ චිත්‍රපටිය බාගන්න පුළුවන් quality, direct link තියෙන තැනක්.
සිංහල උපසිරැසි සමඟ චිත්‍රපටිය රසවිඳින්න... ජයවේවා!!!
Comments